وشلون احبك وانت من / سيئاتي . . .

احياناً الإنسان يندم .... على شي
لو الندم مافاد ... بعد الفواتي

لكن مع الأيام ... يستدرك شوي
وانا ندمت اني ... عطيتك حياتي

غلطه والأخطر من ... خطر هذي وذي
اني اعلق ... في رجاك امنياتي

بالله رجّع راحتي ... والفرح لي
وش تنتظر ماباقي .. إلا مماتي !

ما انكر اني حي ... وآحس بك حي
ما انكر انك مت ... في وسط ذاتي

بس الصحيح اني لو آقول ... وش في
استاهل اللي ... صار هذي جزاتي

هذا خطاي .. وكل فعلي من ايدي
وشلون احبك وانت .. من سيئاتي !

ماضيك الاقشر يختفي ... من ورى الزي
وانا اثّبت خطوتك .. من ثباتي

سواد قلبك ... يكره النور والضي !
وانا اتأمل خير ! .. فالمقبلاتي

مافاد فيك الطيب ... والنصح والكي
مخلوق لكن ... ما يحس ويحاتي

احيانا ً الإنسان يندم ... على شي
وآنا ندمت إني ... وهبتك حياتي