||نَـزَفـْ حِـبـْرِي مِـنْـ طُـعَـونـْ الفِـكِـر وهْـمُـومِي السِكِيـنْـ ..~

*,

نزف حبري من طعون الفكر وهمومي السكين
بعـد ما مات آخـر فـرح يضمـّد جـرح قد صابه !

نزع جرحي أثر فرحي ، وصار الحزن بي حزنين
حزن هالجـرح يوم أقبـل ، حزن هالفرح وغيابه

كستـني هالجروح اللي تجدّد / كل يوم تبين
تخيـّل شخـص في عيـده وجرحـه أجـدد ثيابه

أشـوف مرايتـي قصدي أرتّب جرحي المسكين
وأشـوف الهـمّ قدّامي ، غريبـة كيـف نتشـابه

بفكـّر أقتلـه لـ كـن أببـدا طعنتـي مـن وين~
من أطرافي من أعماقي! أساس الفكـرة|كذابه|

لأنـي صـرت بأعماقه وكان العكس قبل الحين
لأنـي صـرت به نبتـة وصـار بعالمـي غـابه~

لأنـي صـرت به دمعـة وصار العين والخدّين
لأنـي صـرت لـه شوقـه وأوفى أوفى أحبـابه!

قِـدَر جـرحـي يزلزلني يزعزعني يأثـّر زين
بشخص(ن) دمعته سيف(ن) مابين الجفن وأهدابه

طواري موقف(ن) جابـه أبنسـاها ليـوم الدين
ولــ كـن كيف أنا بانسـى طواري موقف(ن) جابه

نزفت الجرح لجل أنسى ، لقيت النزف لي تدوين
عزفت الفرح لجل أقسى ، هجرني الفرح وأسبابه

فمـان الله يا فرحـيفمـان الضحـك للغالين
هـلا بالجرح مادامـه بينـزف حبر وكتـابــه..!

*,

صح لسانك
وتقبلي مروري وننتظر جديدك